Шахрихонлик сайловчиларнинг кичик реванши

Шахрихондаги 12-округ сайловчиларининг Ташаббус гурухи мамлакат парламенти депутатлигига номзод килиб «Бирлик» Партияси фаоли Музаффар Охуновни кўрсатгани, аммо махаллий хокимият вакилларининг МХХ ва милиция ходимлари билан биргаликда олиб борган «кампаниялари» натижасида Ташаббус гурухининг бир катор аъзолари унинг мажлисидаги иштирокларини рад этганларини аввалги хабарларимизда билдирган эдик. Округ сайлов комиссияси Ташаббус гурухини рўйхатга олишдан бош тортгач, сайловчилар олдида 2 йўл бор эди: Судга мурожаат килиб, адолатни тиклаш ёки кайтадан Ташаббус гурухининг мажлисини ўтказиш.

Ташаббус гурух ташкилотчиари прагматикрок йўлни танладилар ва 2 кун аввал бир оз янгиланган тартибдаги Ташаббус гурухининг янги мажлисини ўтказиб, Музаффар Охуновнининг номзодини кўрсатиш хакидаги карорларини янгиладилар.

Андижонлик мухбиримизнинг билдиришича, Ташаббус гурухи вакиллари бугун округ сайлов комиссиясига бўлиб ўтган мажлис хужжатларини топширдилар.