Андижонда кон тўкилишини тўхтатинг! («Бирлик» Партиясининг Баёноти)

«Бирлик» партиясининг Андижонда кечадан бери давом этаётган конли вокеалар хусусида бугун таркатган Баёнотида, жумладан, шундай дейилади.

«Кеча номаълум куролланган гурухнинг Андижон шахридаги камокхонани босиб олиши ва у ердаги махбусларнинг озод килиши билан бошланган конли вокеалар дахшатли нуктага келди. Куролланган гурух камокхонадан кейин харбий гарнизонга хам хужум килди ва куролли сафларини купайтириб олгач, вилоят хокимлигини босиб олди. Улар мусулмонларга карши олиб борилаётган катагонни тўхтатиш, «Акрамия» гурухига мансубликда айбланиб Андижонда судланаётган ва уларнинг фикрича бегнох бўлган одамларнинг озод этилишини талаб килишмокда. Бу гурухнинг расмий хокимит муассасаларига карши куролли харакатлари «Бирлик» Партиясининг демократик принципларига мутлако зид ва биз тарафимиздан кораланади. Айни пайтда, шу нарсага кўз юма олмаймизки, бу гурухнинг талаблари узок йиллардан бери ўзбек мухолифати, хукук химоячилари ва дунё жамоатчилиги тарафидан олга сурилаётган талаблар йўналишидадир.

Хозирги вазиятда бу гурухнинг кимлигини, унинг талаблари накадар мавжуд конунларга зид ёки зид эмаслигини ўйлашга вакт йўк. Чунки, вокеаларнинг ривожланиши катта кон тўкилишга олиб келишини хозир хамма тушунмокда. Биринчи навбатда килинадиган иш — кон тўкилишиниг олдини олиш бўлиши керак..

Маълумки, Ўзбекистон хукумати бу каби вазиятлардан тинч йўллар билан чикиш тажрибасига эга эмас, у хамма конфликтларни куч билан хал килишдан бошка нарсани билмайди. Андижонлик ва кўшни вилоятлардаги «Бирлик» фаоллари Андижонда юзага келган конли тўкнашувни тўхтатишда иштирок этиш, керак бўлса куролли гурух вакиллари билан мулокат ўрнатишда ёрдам бериш нияти билан расмий хокимият органларига чикишга харакат килишмокда. Аммо, у тараф, минг афсуски, бу йўналишда бирон кадам килишни лозим кўрмаяпти.

Бугунги кон тўкиш ким тарафидан бошланишидан катъий назар, бу вокеалар Ўзбекистон хукуматининг узок йиллардан бери олиб бораётган нотўгри сиёсатининг натижаси эканлигини хам алохида айтиб ўтишимиз лозим.

Шундай бўлса хам «Бирлик» Партияси Ўзбекистон рахбариятига мурожаат килиб, бошланган конли вокеаларни дархол тўхтатиш, муаммони тинч йўл билан хал килишга чакиради. Куролли тўкнашув бартараф этилгандан кейингина бу каби вокеалар такрорланмаслиги учун кафолат берадиган тадбирлар масаласини мухокама килиш мумкин. «Бирлик» бундай мухокамага хам тайёр.

«Бирлик» Партияси дунё жамоатчилигига хам мурожаат килиб, Ўзбекистон хукуматини Андижондаги куролли тўкнашувни тинч йўллар билан бартараф этишга ундашга чакиради».