Водий «Бирлик»чиларининг йигилиши

29 августда Кўкон шахрида «Бирлик» Партиясининг Фаргона водийси ташкилотлари рахбарларининг йигилиши бўлди. Бу ерда партиянинг Андижон, Фаргона, Наманган вилоятлари раис ва раис ўринбосарлари хамда Фаргона вилоятидаги шахар ва туман ташкилотларининг рахбарлари, жами 30 киши тўпландилар.

Йигилишнинг кун тартибидаги асосий масала – «Бирлик» Марказий Кенгашининг шу йил 26 майда партияга янги аъзолар жалб килиш хусусида кабул килган карорининг кандай бажарилишини ўрганиш эди. Партиянинг вилоят рахбарлари берган маълумотларига кўра, охирги ойда партияга Андижон вилоятида 2000, Фаргона вилоятида 1125, Наманган вилоятида 350 нафар янги аъзо кабул килинган.

Мажлисга рахбарлик килган «Бирлик» раисининг водий ишлари бўйича ўринбосари Хамдам Сулаймонов бу ракамлар Марказий Кенгаш кароридаги режалар яхши бажарилмаётганини кўрсатмокда, деди ва сентябрь ойи ичида аввалдан режалаштирилган ишларни битиришга чакирди. Эслатиб ўтамиз, Марказий Кенгаш карорига кўра, партияга водий бўйича 10 минг янги аъзо (Фаргона ва Андижон вилоятлари — 4 мингдан, Наманган — 2 минг) жалб килиш кўзда тутилганди.

Йигилишда катнашган партия раисининг ўринбосарлари Пўлат Охун ва Исмоил Дадажон бу ишларни бажариш учун партия рахбариятидан кандай талаблар борлигини сўрашди ва имзо йигиш жараёнидаги тажрибаларини бошкалар билан ўртоклашиш лозимлигини таъкидлашди. Пўлат Охун партиянинг вилоят, шахар ва туман ташкилотлари рахбариларига килаётган ишлари учун Марказий Кенгаш номидан миннатдорчилик билдириб, келажак ишларида муваффакиятлар тилади.

Исмоил Дадажоннинг таклифи билан, одамларга «Бирлик» Партиясини танитиш максадида, кичик хажмдаги буклетчалар чикаришга келишилди. Бу иш билан шугулланишни Исмоил Дадажон ўзи зиммасига олди.