Андижон вилоятида бирликчиларнинг сони 3 мингдан ошди

19 сентябрь куни шахар ва туманлардан келган 21 вакил иштирокида ўтказилган «Бирлик» Халк Харакати Партияси Андижон Вилоят Кенгашининг мажлисида партияга янги аъзолар жалб килиш кампанияси кандай бораётгани мухокама килинди. Партия раисининг ўринбосари Пўлатжон Охунов хам катнашган йигилишда эълон килинган маълумотларга кўра, сўнгги ойларда партияга янги 3100 киши аъзо бўлиб кирган. Якин давр ичида вилоятдаги партия аъзолари сонини яна 1500 кишига ошириш учун килинадиган ишларнинг режаси тузилди.

Йигилишда кўрилган яна бир мухим масалалардан бири – бу йил бўладиган сайловларга тайёргарлик эди. Бу масала бўйча ўз фикрларини Пўлатжон Охун, вилоят ташкилоти раисининг ўринбосари Дилшод Тиллахўжаев, Жалакудук ва Булокбоши туман партия ташкилотларининг раислари Ш.Муминжонов ва Д.Абдиева, партиянинг Шахрихон туманидаги фаолларидан Н.Азизовлар билдирдилар. Бу масала бўйича кабул килинган карорда — ташаббус гурухларидан кўрсатилаётган депутатликка номзодлар рўйхатини икки хафта ичида тайёрланажаги айтилади.