Бахром Хамроев Москвага кайтиб келди

29 ноябрдаги хабаримизда «Харакат» журналининг Россия Федерациясидаги вакили Бахром Хамроев Пермь вилояти туманларидаги бир суднинг карори билан шартли озод килинганини билдиргандик. Суднинг керакли хужжаталри тайёрлангач, 30 ноябрь куни Бахром озод килинган ва у бир неча кун аввал уни кўриш учун бу ердаги колонияга келган хотини Асия Исмоилова билан Пермь шахрига кетган.

1 ноябрь куни Бахром ва Асия Пермлик хукук химоячиларининг мехмони бўлишди, бир неча учрашувлар ўтказишди. Бахром махаллий хукук химоячиларининг газетасига интервью берди. Шу куни кечкурун улар поезд билан Москвага караб йўлга чикдилар ва бугун махаллий вакт билан соат 17 лар атрофида уйларига етиб келдилар.

Бахром Хамроев билан телефонда гаплашган «Бирлик» Партиясининг раиси Абдурахим Пўлат уни озод бўлгани муносабати билан табриклади. Бахром ўзининг такдирига бефарк колмаган ва озод килиниши учун харакат килган хамма сафдошларига миннатдорчиликларини изхор килди, рус хукук химоячиларининг уни озод этиш учун килган саъйи-харакатларидан хайратда эканлигини билдирди.

Бахромнинг турмуш ўртоги Асиянинг мардлиги, Бахромни Москва камокхонасида бўлсин, Пермдаги ўрмонлар ичидаги совук колонияда бўлсин, ёлгиз колдирмаслик учун хар нарса килгани алохида олкишга сазовор, дейди Абдурахим Пўлат. Ўзбеклар асли Догистонлик бу аёлга «Офарин» дейишлари керак.