Каримов Тошкентдаги “Фридомхауз“ рахбарини кабул килди

Расмий хабарга кўра, 5 март куни Оксарой кароргохида Ўзбекистон президенти Ислом Каримов “Фридомхауз“ (АКШ) ташкилотининг Ўзбекистондаги вакили (Тошкентдаги “Фридомхауз“нинг рахбари) Мария (Мьюша) Север хонимнинг шахсан ўзини кабул килди. Учрашувда Ўзбекистон рахбари ваколатхона Ўзбекистон парламентига бўлиб ўтган сайловлар олдидан ташкил этилган анжуман ва семинарларда фаол катнашиб, мавжуд режимга ёрдамлашганидан мамнунлигини изхор этган ва унинг бундан кейинги фаолияти хам самарали бўлишига умид билдирган.

Ўз навбатида Мария Север АКШнинг “Фридомхауз“ ташкилоти Ўзбекистон хукукни мухофаза килиш органлари билан амалий мулокотга катта эътибор каратаётганини кайд этган. Учрашув чогида инсон хукуклари ва эркинлигини таъминлашга каратилган бошка масалалар хам мухокама этилди, дейилади яна хабарда.

Бир мамлакат рахбарининг, бунинг устига, дунё жамоатчилиги тарафидан диктатура деб тан олинган мамлакат рахбарининг “Фридомхауз“дек ташкилот филиалининг рахбарини кабул килиши кутилмаган вокеадаир, деб ёзади мухбиримиз. Бу бир бирини инкор этувчи куйидаги икки сабабдан бирининг натижаси бўлиши мумкин.

Биринчиси, АКШ маъмурияти бу боскичдаги фаолиятида Ўзбекистонда демократик ўзгаришлар бўлмаётганига кўз юмишга карор килган ва АКШнинг бу янги сиёсати “Фридомхауз“ фаолиятида ўз аксини топаётганини сезган Каримов уларнинг елкасини кокиб кўйишни лозим топган. Агарда, бу тахмин тўгри бўладиган бўлса, ўзбек демократик мухолифатини огир кунлар кутмокда ва у бунга хозир бўлиши керак.

Иккинчиси, Каримов дунёда бўлаётган демократик ўзгаришлар ва ўзбек мухолифатнинг, биринчи навбатда, «Бирлик» Партиясининг катта тезликда жонланаётгани билан хисоблашишга мажбур бўлиб хамда АКШ хукуматининг босимларига чидай олмасдан демократик йўналишда баъзи кадамлар килишни бошламокчи. Шундай бўлса, якин орада Ўзбекистонда катта ўзгаришларни кутиш лозим. Бунинг асосий аломати – «Бирлик» Партиясини тан олиш бўлиши табиий хол.