Бурчакка тикиштирилган Аскар Акоев аввалги гапларидан кайтди

Киргизистон мухолифатининг «Акоев билан факат унинг истеъфосини гаплашишимиз мумкин» деган гаплари президент Акоев учун манёврлар доирасини жуда кискартирди. Шундан кейин у мухолифат билан музокараларга тайёр эанлиги ва бир катор сайлов округларида сайлов натижалари кайта кўриб чикилиши хусусидаги ваъдаларидан воз кечди. Бугун зудлик билан тўпланган янги парламент мухим карорлар кабул килмаган бўлса хам, Акоев ўзига конуний фундамант тайёрлаётганини кўрсатди. Балки, дейди мухбиримиз, парламентнинг тўпланиши — мухолифатни бироз бўлса хам саросимага солиб кўйиш учун килинган тактик кадамдир.

Бугун президент Акоев халкка мурожаат килиб, мухолифатга огир айблар кўйди, аммо, музокаралар учун эшикларни ёпгани йўк. Лекин унинг мухолифатни коралаш учун ишлатган иборалари вазиятни кескинлаштириши мумкин.

Кўшни мамлакатлар хам Киргизистондаги вокеалардан ташвишга тушганлари табиий нарса. Ўзбекистон хукуматининг Ташки ишлар вазирлиги воситасида эълон килган баёнотини аввалрок билдирган эдик. Бугун Россия президенти Путин Козогистонлик хамкасби Назарбоев билан телефонда гаплашгани эълон килинди. Расмий хабарларда улар факат умумий иктисодий майдон яратиш мавзусини тилга олганлари айтилсада, улар асосан Киргизистондаги ахволни мухокама килганларигa шубха йўк.

Киргизистон мухолифати вакиллари билан доимий алокада бўлиб турган «Бирлик» раиси Абдурахим Пўлат шундай дейди: «Мухолифатчиларнинг ўзларига ишончлари жуда юкори. Кун сайин эмас, соат сайин янги-янги шахар ва тумандаги расмий органлар мухолифат томонига ўтиб бораётганини айтмокдалар. Бу ерларда милиция хам мухолифатга бўйсинмокда эмиш. Мухолифатчилар хам, худди биз сингари, мамлакат ишларига четдан аралашув бўлиши мумкинлигини назарда тутмокдалар. Четдан деганда асосан Россия ва Ўзбекистон тушунилмокда. Аммо, менинг шахсий фикримча, бундай аралашув бўлмайди».