Наманган телевидениесининг «Бирлик»ка хамласи

Ўзбекистон режимининг мухолифатни кўришга кўзи, отгани ўки йўк. Шундай мушкул шароитда “Бирлик“ партияси давлат рўйхатидан ўтиш учун ўзига хайрихох фукаролар ўртасида имзо тўплашни давом эттирмокда. Хукумат тарафи эса бунга кўлидан келганча каршилик кўрсатаётганига ажабланмаса хам бўлади. Лекин хозиргача айни каршилик халк оммаси кўзидан яшириларди — ОАВларга олиб чикилмаган эди.

Энди олиб чикилди. “Бирлик“чиларнинг хабарларига кўра, 31 март окшомида Наманган вилояти телевидениеси “Бирлик“ партияси фаолларининг партияга хайрихохлардан имзо тўплаш жараёнида гўё конунбузарликлар килаётганлари хакидаги иддао-кўрсатувни намойиш килди. Кўрсатувда “адашиб“ имзо чекканлар ва вилоят адлия бошкармаси ходими катнашди.

Махаллий телемухбир Абдулла Гозиев кўрсатув мукаддимасида “Бирлик“ партиясини рўйхатдан ўтказиш учун имзо тўплаш жараёнида “бирлик“чилар томонидан гайри конуний харакатлар содир этилгани хакида гапириб, “адашган“ларга мавзу юзасидан мурожаат килди. Уларнинг бири, масалан, нимага кўл кўяётганини билмаганини, бошкаси “свет, газ таъминоти яхшиланиши“га умид килганини, яна бири имзо кўйганидан пушаймонда эканини гапириб, ўз-ўзларига дашном берган бўлдилар. Уйчи туманидан бўлган бир фукаро у ерда мактаб ўкитувчиларига “зўрлаб имзо чектирилди“ дейиш даражасига хам борди. Адлия бошкармаси ходими ўз хулосасида “бирлик“чиларнинг имзо тўплаш фаолиятини “ушбу имзолардан гараз максадларда фойдаланиш деб“ бахолаган бўлди.

Кўпчилик телетомошабинлар бу томоша махсус максадда, аникроги, “Бирлик“ни оммага олабўжи килиб кўрсатиш ва унинг хайрихохлари сонини камайтириш максадида уюштирилганини яхши тушундилар. Айни вактда оддий кишилар ана шундай мухолиф партияни давлат рўйхатидан ўтказиш учун кураш кетаётганидан хам хабардор бўлдилар.

Вилоят телевидениесининг мазкур кўрсатувини мухокама килиш учун 3 апрель куни Наманган вилояти “Бирлик“ партияси ташкилоти кенгаши ўтказилди. “Бирлик“чиларнинг жойлардан кенгашга келишларига тўскинликлар кўрсатилганига карамай унда мўлжалдаги 25 киши ўрнига ташкилот рахбари Мухаммадали Корабоев бошчилигида 8 фаол катнашиб, Наманган вилояти телевидениеси рахбариятига йўлланадиган мактуб матнини кабул килишди. Мактубда “Бирлик“ учун имзо чекканлар телевидениега тазйик ва кўркитувлар йўли билан олиб келингани таъкидланади, шунингдек, “Бирлик“ фаолларига хам телевидение оркали чикиб, ўз муносабатларини билдириш талаби олга сурилади.

Масаланинг бошка бир томонига хам назар ташлашдан фойда бор, дейди мухбиримиз. Хукумат «Бирлик» масаласини телевидениега олиб чикибдими, демак, уни бошка йўллар билан тўхтатиб бўлмаслигини тушунибди. У шу йўл билан «Бирлик»нинг обрўсини тўкмокчилар. Лекин, овора бўладилар. «Бирлик» номи сўнгги йилларда такик остида эди. Хукумат уни халкнинг хотирасидан йўк килишни истарди. Демак, ўчиролмаслигига акли ета бошлабди. Якин орада у «Бирлик» номини марказий телевидениега хам олиб чикишга, антипрпоганда ўтказишга харакат килади. Бу эса, факат «Бирлик»нинг фойдасига бўлади.