Ўзбекистонга Сталин замони келди, хокимият одамларни одамларга гижгижламокда

«Эзгулик» жамиятининг 29 май кунги семинари ва «Бирлик»нинг 30 майдаги пикетига катнашиш учун йўлга чиккан мухолифатчи ва хукук химоячиларининг такдири бирма-бир маълум бўла бошлаяпти.

Жамиятнинг Жиззах вилояти Зарбдор тумани бўлими раиси ва «Бирлик» Партиясининг Марказий кенгаш аъзоси Мамаражаб Назаров 27 май кунидан бошлаб туман ИИБ ходимлари, ўзи истикомат киладиган Бўстон шахарчаси фукаролар йигини раиси К.Абдураззаков бошчилигидаги гурух томонидан уй камогида сакланган. 30 май куни маълум бўлишича, Фукоролар йигини Мамаражаб Назаровни «давлат сиёсатига карши чиккани, Андижонда тинч ахолии ўкка тутилди, фермерларнинг ерлари тортиб олинаяпти, деган игволарни Интернет оркали таркатгани» каби айбловлар билан ўз уйидан чикариб юбориш хакида карор кабул килибди.

Шу муносабат билан 31 май куни «Эзгулик» раиси Васила Иноят Жиззахга, Мамаражабнинг уйига келди. Лекин унинг ўзи милиция ходимлари томонидан номаълум томонга олиб кетилган, уйи 100 га якин одамлар билан ўралган, уларнинг важохатлари бузилган, ур-тўполонга тайёр эдилар. Улар дархол Васила Иноятни ўраб олиб хар томондан бакирик-чакирик кила бошладилар. Мамаражабни махалладан кўчириб юборишларини, агар кўчмаса, уни уриб бўлса хам Бўстондан олиб чикиб ташлари мумкинлигини, айни пайтда, давлат тўгри сиёсат юргизаётгани, Мамаражабга ўхшаганларнинг танобини тортиб кўйиш кераклигини бирлари олиб бирлари кўйишди.

Кейинчалик маълум бўлишича, Мамаражабнинг тугишган акаси (у Жиззах вилоятининг Зомин тумани хокимиятида хизмат килади) шу оломонга бошчилик килаётган экан. Васила тўпланганларга «Эзгулик»нинг максади, олиб бораётган ишлари, Андижон вокеаларига бахо беришда шошмаслик, бир-бировнинг уйига калтак кўтариб келиш эмас, балки хукумат идоралари билан мавжуд муаммоларни хал килиш йўлига ўтиш кераклигини, фукаролар ўз хукукларини бундай химоя кила олмасликларини тушунтирди. У кимларнингдир босими туфайли мана бундай буюртма ишларнинг бажарилиши ўзбек халкига эмас, балки ибтидоий оломонга хослиги, бир оиланинг сарсон бўлиши, халк учун ўзини ўтга-сувга уриб юрган бир одамни ёмонотлик килиш эса жавобсиз колмаслигини айтди. Оломон Василани хам хам калтаклашга тайёр эди, лекин бунга журъат киломади.

Васила Иноят катта йўлга чиккач, Зарбдор тумани ИИБ ходимлари томонидан тўхтатилди ва 2 соат давомида ушлаб турилди. Уларнинг максдалари нимадан иборат экани хам тушунарсиз эди. Улар Василанинг автомобилини агдар-тўнтар килиб росмана тинтув ўтказишди. Тинтов тамом бўлмаслигини кўрган «Эзгулик»нинг раиси машина ва машина хужжатларини милиция ихтиёрига ташлаб, Тошкентга йўл олди. Лекин вазият кескинлашаётганини кўрган ўзбек «шульслар» унинг оркасидан кувлаб етиб келишди ва хужжатларни унга топшириш, хатто, кечирим хам сўрашди.