«Эзгулик»нинг Андижондаги етакчиси озод килинган

Кеча кечаси Андижонлик Акбар Орипов, Музаффармирзо Исхоков ва Нурмухаммад Азизовлар «Бирлик» Партиясининг Андижондаги хунрезликни кораловчи 15 май Баёнотномасини таркатишда айбланиб., милиция тарафидан ушлаб кетилганини хабар килгандик. Маълум бўлишича, Акбар Орипов ва Нурмухаммад Азизов Мархамат туман милициясида ушлаб колинган, Музаффармирзо Исхоков эса, бугун эрталаб сўрокка етиб келиш шарти билан кўйиб юборилган экан. Бугун Тошкент вакти билан соат 12 да Музаффармирзонинг уйига Вашингтондан телефон килган «Бирлик» раиси Абдурахим Пўлат уй бекаси Дилдора билан гаплашди. Музаффармирзо хали хам Мархамат тумани милиция бошкармасида экан. Ўша ердан телефон килиб, унинг компютери ичидаги материалларни ўкиш учун мутахассис келишини кутишаётганини билдирибди.

Музаффармирзонинг уйида «Бирлик» партияси Жалакудук тумани ташкилотининг раиси Шокиржон Мўминжонов ва партия фаоли Улугбек Бакиров бор экан. Улар Музаффармирзонинг камалганини эшитгач, хабар олиш учун келишибди. Улар билан хам телефонда гаплашган Абдурахим Пўлат шундай деди: «Бирликчилар шундай дакикаларда бир бирлари билан елкама елка туришганларини кўриб жуда хурсанд бўлдим. Шокиржон ва Улугбек билан гаплашиб, уларнинг хамма вокеаларга тўгри сиёсий бахо бераётганлари, галабамизга ишонишларини кўриб бошим осмонга етди». // «Харакат»