«Бирлик» Бош котибининг истеъфо аризаси хакида

Маълум бўлишича, «Бирлик» Партиясининг Бош котиби Васила Иноят 21 июнь куни партия раиси Абдурахим Пўлатга ўз вазифасидан истеъфога чикканлиги хакида ариза жўнатган. Рус тилидаги ариза жуда кўп мухолифатчилар, халкаро ва махаллий хукук химоячиларига очик хат сифатида таркатилгани диккатга сазовордир. Васила Иноят ўз аризасида шундай килишга мажбур бўлаётгани, «Эзгулик» жамиятидаги ишлар унинг кўп вактини олаётгани, у «Бирлик»да оддий аъзо бўлиб колажагини билдирган. Аммо, уни мажбур килаётган нарса нима эканлигини ёзмаган.

Бу хусусда Абдурахим Пўлат шундай демокда:

«Бундай аризанинг тўсатдан пайдо бўлиши жуда шубхали. Мен шу кунларда на телефон оркали на электрон почта оркали Васила билан богланолмадим. Бу ундан хам шубхали эди. Аммо, секин аста турли манбалардан турли маълумотлар олишга мажбур бўлдик. Кўриниб турибдики, махсус органлар Андижон вокеаларидан фойдаланиб, Ўзбекистонда демократик кучларнинг асосини ташкил килмокда бўлган «Бирлик» ва «Эзгулик»га карши зарба бермокчилар. Андижонда 2 мустакил хукук химоячиси билан бирганликда 4 нафар партиямиз фаоли камалганини хамма билса керак. Куни кеча партия фаолларимиздан яна 2 киши – менинг водий ишлари бўйича ўринбосарим Хамдам Сулаймон ва партиямизнинг Андижон вилоят ташкилотининг раис ўринбосари, «Эзгулик»нинг бу вилоятдаги рахбари Музаффармирзо Исхоковларни хам камаш хакида санкция берилганини ўргандик.

Васила ўзига хам каттик тазйиклар бўлаётгани, уни хам Андижондаги камалганлар бўйича очилган жиноий ишга жалб килиш харакатларини аник кўраётганини билдирганди. Хозир ўрганишимизча, ариза ёзилишидан аввал Василанинг уйида ва «Эзгулик»нинг офисида орган одамлари санкциясиз тинтув ўтказишган, бу хакда Васила хабар таркатадиган бўлса, унинг оила аъзоларини хаёти хавф остида колажагини очикчасига айтишган ва «Бирлик»ни коралаб, унинг гоялари ўзига зид бўлгани учун Партиядан чикиш хакида ариза ёзиб беришни талаб килишган. Уни махалла «фаолларининг» йигилишида ўзларича суд килишган. Расмий матбуотда, уни карши маколалар уюштирилмокда.

Мен шу ерда бир вокеани эслатмокчиман. 1992-94 йиллари, ўзбек мухолифатини тор-мор килиш учун кампания олиб борлаётган пайтда, «Известия» газетасининг мухбири Марина Лебедева «Ўзбекистонда Васила каби 5 аёл бўлсайди, Каримов бу мамлакатдан кочиб кетган бўларди, аммо, минг афсуски, ўзбек аёллари бу кунгача бир Василани тугибдилар»» деганди. Мен бу гапларга мутлако кўшиламан.

Шу биз билган Васила истеъфо хакида ариза ёзган ва кўриниб тургани каби у рахбарлик килаётган «Эзгулик»жамияти фаолиятини шу кунларда феълан тўхтатиб кўйган бўлса, демак, Ўзбекистонда ахвол хакикатдан вахимали.

Нима бўлганда хам, Васила Иноятнинг истеъфо хакидаги аризаси «Бирлик»нинг Курултойида кўрилади ва, ўйлайманки, керакли карор кабул килинади.

Мен бу ерда яна бир нарсани айтиб ўтмокчиман. Андижон вокеаларидан кейин «Бирлик»чи хукук химоячилардан бошка хукук химоячилар каергадир гойиб бўлишди. Эътибор бераётганлар бордир, сал кам хар кун русларнинг сайтида турли хабарлар билан чикиб турувчи Суръат Икромов ва Толиб Ёкубовлар кўринмай колишди. Факат «эзгулик»чилар, маълумки, уларнинг аксарият кисми «бирлик»чилардир, Андижондаги хунрезлик ва унинг курбонлари хакида маълумот тўплашга бошладилар. Уларнинг аник фактларга асосланган илк маълумотлари сайтларда эълон килинди. Шу сабабли, хозир асосий зарба, хар доим бўлгани каби иш килаётганларга, яъни «бирлик»чиларга йўналтирилмокда.

Бошка хукук химоячилари ва бошка мухолифат гурухлари бўлаётган тахдидлар каршисида чала жон фаолиятларини хам тўхтатиб кўйдилар. Биз яна кураш майдонида якка колдик. У хам етмагандек, Ўзбекистондаги мухолифат партиялар ва хукук химоячиси жамиятларининг «Давра Кенгаши»га зарба бериш максадида, кандайдир Демконгрес гояси билан халкни чалгитиб, бизни чалиш учун хам харакатлар килинмокда.

«Озодлик» ва ББС радиоларининг ўзбекча хизматлари ўзларини «Бирлик»га каратилаган хужумларни кўрмаганга солиб келаётганлари хам, менинг уларга доим бериб келган бахоларимни исботламокда. Василага унинг ўзига карши уюштирилаётган тазйикларни ошкор килмаслик хусусида тахдид килганлари каби, бу радионинг ходимларига «Бирлик» билан ортикча шугулланмаслик хакида «маслахат» берилганига шубхам йўк».

«Бирлик» бу каби хужумларнинг кўпини кўрган. Кўп талофатлар кўрсак хам, ўзимизни доим тиклаб олганмиз. Бу сафар хам шундай бўлади». // «Харакат»