“Бирлик”чилар устидан ўкилган хукмнинг баъзи тафсилотлари

“Бирлик” Партияси раисининг ўринбосари Хамдам Сулаймонга 2 йил шартли, партиянинг Андижон вилоят ташкилоти раиси Акбар Орипов хамда партиянинг шахрихонлик ва мархаматлик фаоллари Нурмухаммад Азизов ва Мусажон Бобожоновларга 3 йилдан шартли камок жазоси белгиланиб, улар суд залидан озод килинган. Дилмурод Мухиддиновга умумий режимдаги 5 йиллик камок жазоси тайинланган.

Озод килинганларнинг айтишича, уларнинг адвокати оммавий ахборот аоситалари ва хукук химоячиларига суд хакида маълумот бермасликни хамда суд жараёнига халакит бермасликни маслахат берган ва шунинг учун суд ими-жимида ўтган.

Мухбиримизнинг фикрича эса, бу каби сиёсий ишларда, бунинг устига Ўзбекистон каби мамлакатда, адвокатларнинг ролини кўпиртирмаслик лозим. Мавжуд режим истаса, адолатни хар канакасига оёк ости килиб, ўзига душман деб хисоблаётган одамларни камокка тиккан бўлар эди. Кўринишидан, Каримовнинг хукумати бу масалада мухолифат билан конфронтацияни яна хам кучайтирмасликка карор килган ва аслида мутлако айби бўлмаган “Бирлик” фаолларини 6-7 ойдан камокда ушлаб туриб, шартли жазолар билан озодликка чикариб юборган.

АКШдан Тошкентга телефон килган “Бирлик” Партияси раиси Абдурахим Пўлат озод килинганларни табриклади ва Дилмурод Мухиддинов масаласида адолатнинг галабаси учун куашни давом эттириш лозимлигини таъкидлади.