Киевда Ўзбекистон элчихонаси олдида пикет

Тошкент вақти билан соат 14-16 лар орасида (маҳаллий вақт: 12-14) Ўзбекистоннинг Украинадиаги элчихонаси қаришисида Андижон воқеаларининг 1 йиллиги муносабати билан пикет ўтказилди. Унда қатнашган 100 дан ортиқ киши Андижондаги Каримов ҳукуматнинг қонхўрлигини қораловчи плакатлар кўтарди. Ундан ташқари “Каримовсиз Ўзбекистон” сўзлари ёзилан катта плакатлар диққатни тортарди. Пикетчиларни 60-70 кишилик қисми ўзбек қочоқларидан иборат бўлиб, қолганлар украиналиклар, бу ерда яшаётган озорбайжон ва тожиклар эди.

Киевдаги пикет ҳар дом бўлгани каби жуда кўп оммавий ахборот воситалари, Украинадаги бир қатор сиёсий ташкилотларнинг вакиллари тарафидан кузатилди. Пикет ташкилотчилари ўз номларидан Украина, АҚШ, Россия, Қозоғистон, Қирғизистон президентлари, Европа Иттифоқи, ЕХҲТ, БМТнинг Қочоқлар комиссарлигига ёзилган Мурожаатноманинг русча матнини тарқатдилар. Бу Мурожаатнома хабарларимизда ҳам эълон қилинади.

Касалходан бир неча соатга рухсат олиб бу ерга келган пикет ташкилотчиси, “Бирлик” Партияси раисининг ўринбосари Исмоил Дадажон Украина телевидениесига берган интервьюсида “Каримовсиз Ўзбекистон” шиори бутун мухолифатнинг шиорига айланиб бораётгани, Ғарб давлатлари қаторига қўшилиб бораётган янги Украина ўзбек мухолифатни кўллаб қувватлаши ҳам украин халқининг миллий манфаатларига мос эканлигини урғулади.

Пикет тартибли ва осойишта ўтди, элчихона ичига беркиниб олган элчи бошчилигидаги унинг хизматчилари пикетчилар олдига чиқишдан қўрқишди, пикетни видеога олишди.