“Бирлик” президент сайловларига тайёрланишни давом эттирмоқда

Партия раиси Абдураҳим Пўлат бугун ўз ўринбосарлари Дайнов Ташанов ва Ҳамдам Сулаймон билан телефон орқали гаплашиб, кундалик масалалар билан бир қаторда, сайловолди кампаниясига тайёрланиш масалаларини ҳам маслахатлашди

“Бирлик” партияси Марказий Кенгаши Ҳайъатининг яқинда ўтказилган кенгайтирилган мажлисида Ўзбекистоннинг бир неча жойида Сайловчилар Ташаббус Гуруҳларининг мажлисларини тайёрлаб, расман сайловолди кампанияси бошлангач, у мажлисларни ўтказиш ва партия раисини президентликка номзод қилиб кўрсатиш масаласи устида ишлаш қарорлаштирилганди

Бугун шароитдан келиб чиқиб, деди Дайнов Ташанов, бутун кучларни бир жойда, масалан Тошкент шаҳрида биттагина мажлис ўтказишга сарфлаш самаралироқ бўларди. Вилоят ташкилотлари бу мажлисга ўз одамларини олиб келиш билан шуғулланадилар.

Ҳамдам Сулаймон ҳам шу фикрнинг тўғрилигини айтди. Мараказий Сайлов Комиссияси Тошкентда бўлгани учун, деди у, мажлисдан кейин ҳужжатларни МСКга топшириш, ундан кейин номзодни қўллаб қувватлаш учун имзолар йиғишни Тошкентдан координация қилиш осонроқ бўлади.

“Бирлик” фаоллари шу ойнинг охирлариида партия Марказий Кенгаши Ҳайъатининг вилоят раислари иштирокидаги кенгайтирилган мажлисини ўтказиб, бу фикрларни қарорга боғлаш ва бу йўналишда ишларни жадаллаштирш хусусида келишдилар.