Россияда президент сайлови кампанияси ва Ўзбекистондаги воқеалар

Рус матбуотидаги бугунги хабарларда айтилишича, Россия Федерацияси Коммунистик Партияси раиси Геннадий Зюгановни янаги йил бўладиган сайловда иштирок этиш учун мамлакат президентлигига номзод қилиб кўрсатиш ҳаракатлари бошланган. Партия расмийлари ўз раисларини номзод қилиб кўрсатиш масаласи ҳал бўлди ҳисоб демоқдалар.

Бундан бироз аввал машхур Совет диссиденти Владимир Буковский, Россия Марказий Банкининг собиқ раҳбари Виктор Герашченко, Рссия Халқ Демократик Иттифоқининг лидери, собиқ Бош вазир Михаил Касьянов, “Яблоко” демократик партиясининг раиси Григорий Явлинскийлар номзод бўлишга қарор қилганларини билдиргандилар.

Россия қонунларига кўра, номзодларни партияларнинг қурултойларида ёки мустақил ташаббус гуруҳлари номидан расман президент сайлови кампаниси бошлангач кўрсатиш мумкин. Шу сабабли, номи тилган олинган кишиларнинг қарори “президентликка номзод бўлиш истагидир” холос. Буни Россия жамоатчилиги ҳам номзодларнинг ўзи ҳам билишади.

Воқеаларни Ўзбекистондаги аҳвол билан солиштиришдан ўзбек ўқувчилари учун фойда бор. Маълумки, “Бирлик” Партияси ўз раисини президентликка номзод қилиб кўрсатиш учун ҳаракатлар бошлагани ўтган йил апрель ойининг бошида партия Бош Котиби Васила Иноят томонидан “Немис Тўлқини” радиосида эълон қилинганди.

Бундан хабар топган “Эрк” партияси 53-54-чилар фракцияси бир неча кундан кейин ўз партияларининг Марказий Кенгаши мажлисини ўтказиб, партия раиси бош 53-54 ни президентликка расман номзод қилиб қўрсатганини эълон қилди. Кейинчалик маълум бўлишича, бундай мажлис ҳатто ўтказилмаган экан. Ваҳоланки, Ўзбекистон қонунлари ҳам номзодни расмий рўйхатдан ўтган партияларнинг қурултойида расман сайлов кампанияи эълон қилингандан кейин кўрсатиш мумкинлигини белгилаган. Айни замонда, 300 кишилик сайловчиларнинг ташаббус гуруҳлари мустақил нозод кўрсатишлари мумкинлиги ҳам қонунда бор.

Шу сабабли, 53-54-чиларнинг «номзод кўрсатиш» эълони, худи Ўзбекистн ҳуқуқ ҳимоячилари альянсининг 4-5 номзод кўрсатиш спектакли каби, навбатдаги сиёсий масхарабозлик бўлиб, ўзбек демократларининг обрўсини туширувчи воқеа сифатида тарихда қолади.