“Бирлик”нинг тикланиши яна Фарғонадан бошланмоқда

Шу дақиқаларда Қўқон шаҳрида “Бирлик” Партияси Фарғона вилоят ташкилотининг конференцияси бўлмоқда.

Маълумки, 2002 йилда ҳам айнан Қўқонда ўтказилган конференциядан кейин “Бирлик” халқ ҳаракати қайтадан оёққа туришни бошланганди. Натижада, 2003 йилнинг май ойида 10 йиллик танаффусдан кейинги биринчи қурултой ўтказилди, у ерда ташкилотни партияга айлантириш қарори олинди ва ўша йили август ойида яна Қўқонда “Бирлик” Партиясининг Таъсис қурултойи ўтказилди.

Бугун АҚШдан Қўқонга телефон қилган партия раиси Абдураҳим Пўлат ўз ўринбосари Ҳамдам Сулаймон, вилоят ташкилотининг раиси Адҳам Муҳитдин ва туманлардан келган сафдошлари билан қисқа бўлса ҳам суҳбатлашди, конференция қатнашчиларини бу катта сиёсий воқеа билан табриклади ва уларга фаолиятларида муваффақиятлар тилади.