Европа Иттифоқи Тинчлик бўйича Нобель мукофоти лауреати бўлди

Мукофот ЕИнинг “қитъани бирлаштириш йўлида узоқ замонлардан бери ўйнаётган роли учун” берилди. Нобель комитетининг аъзолари ЕИга бундай мукофотни ҳозир беришдан мақсад – қарз кризиси билан курашаётган бу блокни маънавий рағбатлантиришдир, дейишмоқда.

Маълумки, Нобель мукофотига лойиқ кўрилганларга махсус медалдан ташқари катта миқдорда пул ҳам берилади, бу йил бериладиган пулнинг миқдори $1,2 млн. Мукофот биронта шахсга берилса, у моддий маънода ҳам рағбатлантирилган бўларди. Аммо, ЕИ учун бу пулнинг аҳамияти йўқ.